img

Godki fachmanów na bauplacu

Godki fachmanów na bauplacu

CZYLI O CZYM GODAJUM MAJSTRY NA BAUPLACU

 

  • Niy dej się naciungnuńć na srogo chałupa. Ino sprzuntania kupa. Lepiyj mało roboty tam raj na Malediwy jakie wakacyje.
  • Tocha trowki. Żodnych owocowych drzewek, coby latym z krauzkami niy lotać, ino na Malediwy na wakacyje.
  • I dej se pokój z wunglym. Ino łazić koło tego trza. Pumpa ciepła abo jakie kunwektorowe i pokój.
  • I jak najprostszo konstrukcja. Kwadrat abo prostokunt, żodnych eków, coby ciepło niy pitało.
  • Dach jak nojprostszy. Kożde załumanie, wydziwianie, to cyna idzie roz tyla, abo wjyncyj w góra.
  • A styropian na ściany tyż się niy dej naciungnuńć. 15 cm wystarczo. Wiyncyj niy robi żodnyj różnicy. Czy dosz 15, 20, 25cm – mosz to samo.
  • I ino parterówka. Wszysko na jednym poziumie. To drożyj niy wyjdzie. Niy trza schłodów na wiyrch, stropów, gipsdeki ino kartun-gipsy. Może trocha wiyncyj dachu i fundamyntów, ale tyż dej pozór, że z balkunikiym na wiyrch niy wleziesz. A dziecioki wartko z chałupy idum w świat.
  • A na dach nojlepiyj dachówka. Jak Ci przydzie tako chynć na gont, to nojpiyrw deskowanie, papa, a dopiyro potym gonty. A nojtuńszego tyż niy kupisz. No i wyjdzie ci tyla samo, co dachówki.
  • Pumpa ciepła z podłogówkum na 100 m2 placu przyjdzie jakie 70 tysiyncy złoty. Same podłogowe ogrzewanie wyłazi jakie 100 złoty na meter (m2), to już mosz 10 tysiyncy. Potym pumpa 20 tysiyncy. Odwierty, rurki, inny osprzynt to robi cyna.
Wyświetleń:
343
Tagi:
· · ·

Komentarze

Zostaw komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *